به‌یانی حه‌ق و ڕاست و دروستی ئه‌وه‌ی اللە ی پایەبەرز ده‌فه‌رموێت: {بَيْنَ السَّدَّيْنِ} و به‌ربه‌سته‌كه‌ی ذی لقه‌رنه‌ین وه ئاگاداركردنه‌وه‌ی ئیمام مه‌هدی له به‌رامبه‌ر سڕ‌ینه‌وه‌و لادانی هه‌ر به‌یانێک..
ئیمام ناصر محمد يه‌مانی
16 - 10 - 2011 زایینی
19 - 11 - 1432 کۆچی
07:18 به‌یانی
[بۆ بەدواداچوونی بەستەری سەرەکی بەشداری بەیانەکە]
https://nasser-alyamani.org/showthread.php?p=5241#post_5241
ـــــــــــــــــــــ
به‌یانی حه‌ق و ڕاست و دروستی ئه‌وه‌ی اللە ی پایەبەرز ده‌فه‌رموێت: {بَيْنَ السَّدَّيْنِ} و به‌ربه‌سته‌كه‌ی ذی لقه‌رنه‌ین
وه ئاگاداركردنه‌وه‌ی ئیمام مه‌هدی له به‌رامبه‌ر سڕ‌ینه‌وه‌و لادانی هه‌ر به‌یانێک..
بەناوی الله ی لە ھەموو میھرەبان و بە بەزەییەکان میھرەبانترو بە بەزەییتر، وە دروودو سڵاو لەسەر باپیرەم محمد نێردراوی اللە و کەس و کارە پاکەکەی، وە هەموو بەسەرخەرێکی اللە ش تا ڕۆژی دوایی، لەدوای ئەمە..
ئه‌ی خۆشه‌ویستەکانم له‌بەر خۆشه‌ویستی اللە ده‌سته‌ی به‌ڕێوه‌به‌رانی گفتوگۆی جیهانی بۆ مه‌هدی چاوه‌ڕوانكراو له سه‌رده‌می گفتوگۆ به‌ر له ده‌ركه‌وتن، پێشتر ئاگاداركرانه‌وه له‌وه‌ی نه‌كه‌ن هه‌ر بابه‌تێک دابخه‌ن جا ئەگه‌ر بابه‌ته‌كه گفتوگۆكردن بێت له نێوان پشتیوانەکان یان له نێوان ئێوه‌و گه‌لێكی تر، یان له نێوان مه‌هدی چاوه‌ڕوانكراوو كه‌سێک کە به‌دوای حەق و ڕاستیدا ده‌گه‌ڕێت یان هه‌تا تەنانەت له‌گه‌ڵ شه‌یتانی نه‌فره‌تلێكراویش، جا بۆتان نیه هه‌ریه‌كێكتان له ده‌سته‌ی به‌ڕێوه‌به‌رایه‌تی بێت بابه‌ته‌كه دابخات و بۆ ئه‌مه ڕێگای پێنه‌دراوه، له‌به‌رئه‌وه‌ی ئه‌م جۆره هه‌ڵسوكه‌وته ده‌بێته هۆی مایه‌ی ئاشوب بۆ پشتیوانەکان و میوان و ئه‌م سه‌ردانیكارانه‌ی دێن به‌دوای حەق و ڕاستیدا ده‌گه‌ڕێن، جا دواتر واگومان ده‌به‌ن ئیمام مه‌هدی ده‌سته‌وسان بووه له‌وه‌ی بتوانێت ڕوونكردنه‌وه بدات و به‌ڵگه‌ی ڕوون و ئاشكرایان به‌سه‌ردا بهینێته‌وه، جا له‌پاش ئه‌مه ئه‌و فه‌رمانی كردووه بابه‌ته‌كه دابخه‌ن، جا له دوای ئه‌مه‌ش پشتیوانەکان توشی ئاشوب بكه‌ن به‌م جۆره هه‌ڵسوكه‌وته کە نه اللە و نه پێغه‌مبه‌ره‌كه‌شی و نه مه‌هدی چاوه‌ڕوانكراویش پێی ڕازی نین.
وه ئه‌ی گه‌لی پشتیوانەکان هه‌مووتان، ئیمام مه‌هدی پێویستی به هیچ كه‌سێک نیه بێت دایپۆشێت به‌وه‌ی بێت بابه‌تێک دابخات له ترسی ئه‌وه‌ی (بابه‌ته‌كه) به‌ڵگه هێنانه‌وه‌یه به‌سه‌ر ئیمام مه‌هدی، دوورەو زۆر دوورە هه‌رگیزاو هه‌رگیز. جا لە ئەمڕۆ بەدواوە قه‌ده‌غه‌یه له‌سه‌رتان هه‌ر بابه‌تێک دابخه‌ن و هه‌رگیز ئه‌مه‌تان بۆ نیه، به‌ڵكو دواتر ڕەوابوونی داخستنی بابه‌ته‌كان بۆ ئیمام مه‌هدیه به ته‌نها به‌بێ پشتیوانەکان هه‌موویان، جا له اللە بترسه خوشكه‌كه‌م له‌به‌ر اللە نور وه سه‌رجه‌می ده‌سته‌ی به‌ڕێوه‌به‌رانی ئه‌م مێزی گفتوگۆیه ئایا ده‌زانن ئه‌وه‌ی ده‌یكه‌ن مایه‌ی ئاشوبێکی ترسناكه بۆ پشتیوانەکان جا كاتێک یه‌كێكیان بابه‌تێک ده‌كاته‌وه تا زیاتر بزانێت و دڵی ئۆقره بگرێت جا له‌پاش ئه‌مه ببینێت وا بابه‌ته‌كه داخراوه یان سڕاوه‌ته‌وه، جا ئایا ئه‌م هه‌ڵسوكه‌وته دواتر شک و گومان دروست ناكات له بابه‌ته‌كه جا داخستنی بابه‌ته‌كه نابێته هۆیه‌ک بۆ توش بوونی بە ئاشوب؟ جا لە اللە بترسن خۆشه‌ویستەکانم له‌بەر خۆشه‌ویستی اللە، وه هه‌مووتان پابه‌ند بن به فه‌رمانەکەی ئیمام مه‌هدی به‌وه‌ی داخستنی هه‌ر بابه‌تێک به ته‌نها بۆ ئیمام مه‌هدی ده‌بێت، له به‌رئه‌وه‌ی ئه‌م هه‌ڵه‌یه دووباره بوویه‌وه زیاتر له جارێک و بابه‌ت داده‌خرێت بێ ئه‌وه‌ی مۆڵه‌تم لێوه‌ربگرن، ئیتر سوپاس.
وه ئه‌ی پشتیوانە خۆشه‌ویسته‌كانم، پێشتر پێمان ڕاگه‌یاندن من له هه‌ندێک به‌یانەکانم ته‌ڵه داده‌نێمه‌وه به‌ڵام من ئه‌م ته‌ڵانه‌م بۆ گه‌لێكی تر ده‌وێت نه‌ک بۆ ئێوه ئەی خۆشه‌ویسته‌كانم له‌بەر خۆشه‌ویستی اللە پشتیوانە چاکەکارە پێشكه‌وتووه‌كان، به‌ڵكو من ئه‌م ته‌ڵانه‌م بۆ زانایانی ئوممه‌ت ده‌وێت له‌به‌رئه‌وه‌ی كاتێک ئه‌مه ده‌بینن دواتر واگومان ده‌به‌ن ده‌رچه‌یه‌كیان دۆزیوه‌ته‌وه بۆ ئیمام مه‌هدی، تا به‌ڵگه‌ی پێ به‌سه‌ردا بهێننه‌وه، جا له‌پاش ئه‌مه بوێری ئه‌وه ده‌كه‌ن بێن گفتوگۆ بكه‌ن، جا له پاش ئه‌مه منیش به‌ڵگه‌كه‌یان به حه‌ق به‌سه‌ردا ده‌هێنمه‌وه وه به ده‌سه‌ڵاتی زانست گفتوگۆیان له‌گه‌ڵ ده‌كه‌م و به‌ڵگه‌كه‌یان به‌سه‌ردا ده‌هێنمه‌وه، وه‌ک ئه‌م فه‌توایه‌مان کە به‌م شێوه‌یه بوو:
وه به‌ربه‌سته‌كه‌ی ذولقه‌رنه‌ین له نێوان دوو به‌ربه‌سته‌كه‌دایه، به‌و مانایه‌ی له نێوان هه‌ردوو نیوه گۆكه‌ی زه‌ویدایه، وه ناویان لێنراوه دوو به‌ربه‌سته‌كه له‌به‌رئه‌وه‌ی هه‌ر یه‌كێكیان به‌ربه‌سته بۆ ئه‌وی تریان له تیشكی خۆر جا نیوه‌ی تاریک ده‌بێت و نیوه‌كه‌ی تریشی ڕووناک جا ئه‌مه سه‌باره‌ت به ڕووی ده‌ره‌وه‌ی زه‌وی، هه‌رچی به‌ربه‌سته‌كه‌یه ئه‌وا له قوڵایی زه‌ویدایه له بۆشایی (كلۆری) زه‌وی.
_________
کۆتایی هات.
جا مه‌به‌ستمان له‌مه هه‌ردوو نیوه گۆكه‌ی زه‌ویه، له به‌رئه‌وه‌ی هه‌ر نیوه‌یه‌كیان ده‌بێته به‌ربه‌ست له تیشكی خۆر بۆ ئه‌وی تریان، ئه‌مه سه‌باره‌ت به ڕووی زه‌وی له ده‌ره‌وه، بەربەستەکەی ذولقه‌رنه‌ینیش له ناوه‌ڕاستدایه له ناوه‌وه‌ی زه‌وی، له‌به‌رئه‌وه‌ی هیچ یه‌ک له دوو به‌ربه‌سته‌كه بوونیان نیه له ناخی زه‌وی، جا ئەگه‌ر وابووایه‌و دوو به‌ربەست له‌ناو زه‌وی هه‌بوونایه ئەوا چ پێویستیه‌كی به به‌ربه‌سته‌كه‌ی ذولقه‌رنه‌ین ده‌كرد ئایا بیرناكه‌نه‌وه؟ به‌ڵكو مه‌به‌ستی اللە ی پایەبەرز له‌وه‌ی ده‌فه‌رموێت: {بَيْنَ السَّدَّيْنِ} واته له ناوه‌ڕاستی گۆی زه‌وی له خاڵی ناوه‌ڕاست له نێوان لاكانی خۆرهه‌ڵات و خۆرئاوایدا، هه‌ر له‌به‌رئه‌مه‌ش اللە ی پایەبەرز فه‌رموویه‌تی: {بَيْنَ السَّدَّيْنِ}[الكهف:93]، ئه‌مه مه‌به‌ستی له ناوه‌ڕاستی گۆی زه‌ویه، له‌به‌رئه‌وه‌ی هه‌ر لایه‌ک له زه‌وی ده‌بێته به‌ربه‌ست بۆ ئه‌وی تر له تیشكی خۆر، جا ئه‌مه سه‌باره‌ت به ڕووی زه‌وی له ده‌ره‌وه، هه‌ر له‌به‌رئه‌مەش اللە ی پایەبەرز فه‌رموویه‌تی: {بَيْنَ السَّدَّيْنِ} به مانای ناوه‌ڕاستی گۆی زه‌وی، وه هه‌ردوو ئه‌م به‌ربه‌سته‌ش له ده‌ره‌وه‌ن وه به‌ربه‌سته‌كه‌ی ذولقه‌رنه‌ینیش له ناوه‌وه‌یه له زه‌ویه‌كی تونێلی (نه‌فه‌قی) دا.
به‌و مانایه‌ی: دوو به‌ربه‌سته‌كه مه‌به‌ستی پێی دوو نیوه گۆكه‌ی زه‌ویه له خۆرهه‌ڵات و خۆرئاوا له ده‌ره‌وه‌ی (زه‌وی)، له‌به‌رئه‌وه‌ی هه‌ر به‌شێكیان ده‌بێته به‌ربه‌ست له تیشكی خۆر بۆ ئه‌وی تریان تا شه‌وو ڕۆژ به‌دوای یه‌كتردا بێن.
هه‌رچی ئه‌م تیشكه دره‌وشاوه‌یه‌ی خۆره‌كه‌شه کە له زه‌ویه تونێله‌ییه‌كه ده‌رده‌چێت ئه‌وا پێشتر به حه‌ق فه‌تواماندا بەوەی به‌ربه‌سته‌كه‌ی ذولقه‌رنه‌ین قڵیش و ده‌رچه‌یه‌كی گه‌وره‌ی هه‌یه له‌لای سه‌ره‌وه‌ی بۆ تیشكی خۆر جا دانه‌خراوه به ته‌وا‌وه‌تی ئه‌مه‌ش بۆ ئه‌وه‌ی ڕێگا له تیشكی خۆر نه‌گرێت له‌و كاته‌ی خۆر له لاكه‌ی تره‌وه‌یه، جا ئایا له هه‌واڵه‌كه تێگه‌یشتن یان هێشتا به‌یانی زیاترتان بۆ بكه‌ین؟ جا هیچ ڕه‌خنه‌یه‌كت له‌سه‌ر نیه خۆشه‌ویستم له‌بەر خۆشه‌ویستی اللە (باوكی روان) کە بێیت و بابه‌تێک بكه‌یته‌وه بۆ گفتوگۆكردن یان له‌به‌ر شه‌رم كردن له ئیمام مه‌هدی، نه‌خێر هه‌رگیز سوێند به په‌روه‌ردگارم..
اللە لە پشتیوانەکان خۆشبێت وه له سه‌رجه‌م ده‌سته‌ی به‌ڕێوه‌به‌رانی ئه‌م مێزی گفتوگۆیه، وه اللە له مه‌هدی چاوه‌ڕوانكراویش له‌گه‌ڵ ئێوه خۆشبێت، وه له هه‌موو ئه‌وانه‌ش کە به‌دوای ڕاستیدا ده‌گه‌ڕێن وه له سه‌رجه‌می موسڵمانانیش.
وە دروودو سڵاو لەسەر نێردراوو پێغەمبەرەکان سوپاس و ستایشیش بۆ اللە ی پەروەردگاری هەموو خەڵکی جیهان..
براتان؛ ئیمام مه‌هدی ناصر محمد يه‌مانی.
______________
